Farið var í nokkrar klukkustundir í dag með tvær stangir í Fjarðará og fengust 5 sjóbleikjur, allar neðst á svæðinu og á bilinu 1-1,5 pund. Bleikjan var í uppítöku og veður frábært, sólskin og logn og mikil skemmtun að vera á svo afskekktum stað með allt iðandi af lífi hvort sem var um að ræða fugla, flugur eða fiska.

Veiðibækur fyrir Fjarðará eru bæði í Ellingsen og Jónsabúð á Grenivík.